最新媒体股评
来源： 时间：2010-2-22 16:52:13
剔出MSCI并无沽压 中航科工股价越升越有
新报 2010-02-17
TALKING POINT月初，MSCI公布季度检讨，将中航科工（2357）剔出MSCI中国小型股指数，并会喺2月26日收市后生效，而受到相关消息影响，中航科工嘅股价返回低位支持区，沽盘亦变得好疏落，货源明显尽入强者手中，所以喺2月26日之后，中航科工嘅股价将可重振雄风，依家系时候趁低执啲平货，等炒等收割。
事实上，中航科工系全中国航空制造业务嘅垄断者，主要航空产品包括各种类型嘅直升机、支线飞机、教练机、通用飞机、飞机零部件和航空机电产品。早前，中航科工与母公司进行资产置换，一来可以抽离亏损嘅汽车业务，二来则同时换入嘅专门产销航空电子产品嘅中航光电，呢项重组标志着公司将专注航空产品嘅研发制造业务，为迎接母公司讲明会有千亿元嘅注资铺路。另外，中航科工亦先后与世界一流嘅航空产品制造商，例如欧洲直升机公司、意大利阿古斯特公司、美国西科斯基公司及Embraer等，展开广泛嘅业务合作，一来可以增强公司本身嘅实力，二来可以提升佢嘅研发及技术水平。
早前，母公司已经清晰表态会喺未来3至5年内，将旗下高达1,500亿元人民币嘅航空业务资产注入中航科工，令到佢成为母公司整体上市嘅旗舰。截至2008年底止，中航科工嘅总资产为224亿元人民币，当母公司落实注资后，公司嘅总资产将会大幅上升6.7倍至1,724亿元人民币或1,959亿港元，此举对可为股价带来明显嘅刺激作用。
母公司表明有大注资
过去几个月，母公司与美国通用电汽公司（GE），按50%对50%比例合资成立嘅中国航空电子合营企业，专攻中国商业飞行及919C1A型客机业务，估计日后亦会注入中航科工。另母公司投资32.3亿元人民币，喺上海建立中国国产大客机发动机研发基地，主要研制中国150座级嘅国产大型客机 C919 发动机，将来仲会满足中国250座级嘅国产大型客机发动机研制需求。按母公司规划，将来呢两项有潜质嘅资产亦会收归中航科工旗下。
市场日后需求相当大
根据波音公司喺2009年度嘅预测，中国喺20年内，将需要3,770架新飞机，涉及价值将达4,000亿美元，或3.12万亿港元，此乃除美国以外新民用飞机嘅最大市场。另外，中国政府预期，中国嘅大型民用飞机C919将于2016年投入运营，未来20年将会制造2,355架C919飞机。有咁大嘅市场需求作为后盾，中航科工又作为国内垄断者，所以业务增长会好突出，股价应该会越炒越有，越炒越高。中航科工系全中国航空制造业务嘅垄断者，当母公司落实注资后，可为股价带来明显嘅刺激作用。
